Alisher Alimov “Osiyo bolalari" VII xalqaro sport o'yinlariga tayyorgarlik ko'rayotgan sambochilarimiz bilan uchrashdi

Ayni paytda ushbu musobaqada qatnashuvchi sambochilarimiz Samarqandda o'quv-mashg'ulot yig'inini olib borishmoqda. 

O'zbekiston sambo associaciyasi raisi Alisher Alimov musobaqaga tayyorgarlik ko'rayotgan sportchilarimiz bilan uchrashib, ularning tayyorgarlik jarayonini kuzatdi. 

Ushbu tashrifda Alisher Alimovga Samarqand viloyati sportni rivojlantirish boshqarmasi boshlig'i SHuhrat Ro'ziev, O'zbekiston sambo associaciyasi raisi o'rinbosari Ravshan G'ulomov, O'zbekiston sambo associaciyasi Samarqand viloyati bo'limi ijrochi direktori O'ktam Haydarov, Toyloq Olimpiya zaxiralari kolleji direktori O'tkir Qurbonov hamrohlik qildi. 

Mutasaddilar muhim musobaqaga tayyorgarlik ko'rayotgan sportchilarimizning mashg'ulotlarini, shuningdek ular yashayotgan mehmonxona sharoitlarini, oziq-ovqatlari ko'zdan kechirildi. Sportchilar bilan uchrashib, ular bilan muloqot qilindi. 

SHuningdek mehmonlar Samarqand shahrida sambochilarimiz uchun asosiy bazalardan biriga aylanayotgan bolalar va o'smirlar sport maktabida yaqinda rekonstrukciyadan chiqarilgan sport zalini ham ko'rishdi.

Eslatib o'tamiz, "Osiyo bolalari" musobaqasida sambo bo'yicha bahslar 4 avgust kuni o'tkaziladi.

O'zbekiston sambo associaciyasi matbuot xizmati