Aliskerov Uittakerdan qabul qilib olgan mag'lubiyatiga izoh berdi

UFC on ABC 6 oqshomining markaziy jangida rossiyalik Ikram Aliskerov avstraliyalik Robert Uittakerga qarshi oktagonga ko'tarilib, birinchi raunddayoq nokaut bilan mag'lubiyatga uchragan edi. Qisqa muddatda Xamzat CHimaevning o'rnini egallagan Ikram nomdor raqibiga munosib qarshilik ko'rsata olmadi. 

"Alhamdulillah, menda hammasi joyida. Nima bo'lganini hamma ko'rdi. Men o'zimni yo'qotib qo'yganim yo'q. Bu sport, hech qanday o'zimni oqlashlar yo'q. Men bu tavakkalga o'zim ongli ravishda bordim va jangni qisqa muddatda qabul qildim. Oldinga intilishida davom etaman. Iqlim moslashish menda juda qiyin kechdi. Keyin qisqa muddatda ikkita vazn tashlash jarayonini boshdan o'tkazdim. Ikki-uch hafta davomida sparring janglari o'tkazmadim. Jangga 90 kg vazn bilan chiqdim. O'tgan jangimda 96 kg edim. Ko'p sabablar bo'ldi, lekin o'zimni bu bilan oqlamayman. Bir narsani aytishim kerak, jang oldidan o'zimga bo'lgan ishonch juda yuqori edi. Hech qachon kechagidek o'zimga ishonmaganman.", - dedi Aliskerov.