Aljameyn Sterling Movsar Evloev - Leron Myorfi jangidagi hakamlikni tanqid qildi

Davogarlik maqomidagi jangda Movsar Evloev ko'pchilik hakamlar qaroriga ko'ra (48-46, 48-46, 47-47) Leron Myorfini mag'lub etgandi.

"Hozirgina dastlabki uch raundni qayta ko'rib chiqdim. Biz hammamiz bu sport turida ochkolarni hisoblash qanday amalga oshirilishi haqida chalkashib ketdik. Hali ham bu aniq mezonlardan ko'ra ko'proq subektiv fikrga bog'liqdek tuyuladi.

Birinchi raund: juda yaqin, lekin Myorfi faolroq edi

Ikkinchi raund: hali ham yaqin, ammo Myorfi zarbalar bo'yicha etakchilik qilmoqda

Uchinchi raund: oxirgi 25 soniyagacha teng kurashlar ostida kechdi. Bu uni raunddagi g'alabadan mahrum qildimi?

To'rtinchi va beshinchi raundlar: Movsarning yaqqol g'alabasi.

Ko'zoynakni echib qaralsa va uchinchi raund Movsar hisobiga yozilsa, ushbu jang durang bilan yakunlandi.

Teykdaun tufayli uchinchi raundni Movsarga bergan bo'lardim, lekin menimcha, u bu erda atigi bir yoki ikkita zarba berdi, Myorfi esa darhol oyoqqa turdi. Raund nihoyatda teng bo'ldi. Birinchi va uchinchi kabi raundlar 10-10 bahoga loyiq va bu masalani hal qiladi. G'olibni aniqlash uchun kimnidir oldinga chiqishga majbur qilish kerak. Hozircha esa internet hozir hammamiz qilayotgan ishni qilmoqda: odamlar nimaga qarayotganini bilmay hayron", - deb yozdi Sterling X ijtimoiy tarmog'ida.