Aljameyn Sterling Movsar Evloevning "vyzov"iga "otvet" qildi

Amerikalik aralash yakkakurash ustasi rossiyalik Movsar Evloev bilan jang qilish istagi yo'qligini aytdi. O'tgan hafta Mosvar Sterlingni oktagonga chorlagan edi. 

"Ko'pchilik Movsar Evloev kim ekanini bilmaydi. Vaholanki, u yaxshi jangchi va ajoyib yigit. Lekin men do'stlarimdan bu bola kim deb so'rasam, ular elka qisishadi, yani tanishmaydi. SHu sababdan ham men promoushen rahbarlaridan Brayan Ortega, Yair Rodriges kabi taniqli jangchilarni so'radim. Aynan ularga qarshi o'tkazadigan janglarim meni chempionlik kamari uchun kechadigan janglarga yaqinlashtiradi. Movsar Evloev bilan jang qilishdan esa mano ko'rmayapman. Bu oddiy jang bo'lib qoladi. Men uni raqib sifatida ko'rmayapman", - dedi Aljameyn.

Bir oy oldin Aljameyn Sterling uch raund to'liq davom etgan jangda Kelvin Kattarni hakamlarning yakdil qarori bilan mag'lubiyatga uchratgan edi. U bitta jangning o'zida yarimengil vazn toifasi reytingida 8-o'ringa ko'tarilib olgandi. Movsar Evloev esa bu reytingning 5-pog'onasidan joy olgan. Mag'lubiyat nimaligini bilmay kelayotgan Movsar shu yilning yanvar oyida britaniyalik Arnold Allendan ustun kelgandi.