"Alpomish" qaytdi Surxonga FOTOGALEREYA

XV xalqaro turnirining kechagi bahslarida erkaklar -81, -90 kg., ayollar -48, -57, -63 hamda 70 kg.  vazn toifalarida kuch sinashishgan bo'lsa, bugun, 11 aprel kuni erkaklar o'rtasida -60, -66, -73 kg. hamda mutlaq vazn toifasida kuchlilar aniqlandi. Ayollar o'rtasida esa +70kg. vaznda g'olib va sovrindorlar nomi malum bo'ldi.

Musobaqaning yarim final va final baxslariga to'xtalib o'tadigan bo'lsak, kurashchilarning har bir chiqishlarini muxlislar chuqur hayojon bilan kuzatib borishdi.

Ayollar o'rtasidagi +70 kg vazn toifasidagi final bellashuvida o'zbekistonlik Pokizaxon Kamoliddinova Qozog'iston vakilasi Azman Amaevani "yonbosh" bahosi bilan mag'lub etib, birinchi o'rinni qo'lga kiritdi.

Erkaklar o'rtasidagi 60 kg. vazn toifasi finalida Abdulaziz Hamroev (O'zbekiston) va Muhammadrizo Quvvatov (Tojikiston)lar ro'baro' bo'lishdi. Mazkur vaznda Muhammadrizo Quvvatov bir yonbosh bahosi bilan turnirning 60 kg. vaznida birinchi bo'ldi. 

66 kg.lik polvonlar o'rtasidagi o'zaro bellashuvlarning finalida Qobiljon Ahmedov (O'zbekiston) va Otabek Amiraliev (Qozog'iston) kurash tushishdi. "Halol" bahosi bilan hamyurtimiz Qobiljon Ahmedov ustun keldi.

70 kg. vazn toifasidagi finalda Umidjon Abdullaev (O'zbekiston) hamda Sobir Saparboev (Qozog'iston) o'zaro kuch sinashdi. Mazkur vaznda qozog'istonlik Sobir polvon bitta "chala" bahosi bilan raqibini orta qoldirib, oltin medalni o'ziniki qildi. 

Barcha birdek orzuqib kutgan mutlaq vaznda esa O'zbek polvoni, surxondaryolik nomdor kurashchi Muhsin Hisomiddinov qo'shni tojikistonlik polvon Dadaxon Qurbonaliev bilan kuch sinashdi. O'rtadagi hakam hindistonlik Ravi Kapurning tojikistonlik polvonga ko'rsatgan "tanbeh" va "dakki" bahosi evaziga Muhsin polvon turnirning mutlaq chempioniga aylandi.

SHu tariqa navbatdagi O'zbekiston Respublikasi Prezidenti sovrini uchun Al-Hakim at-Termiziy xotirasi bag'ishlangan XV xalqaro turnir yakunlandi. 

Quyida bugun 11 aprel kunggi g'olib va sovrindorlar bilan tanishing. 

Ayollar o'rtasida 70 kg. vazn toifasidagi g'oliblar:

1. Pokizaxon Kamolliddinova (O'zbekiston) 

2. Azman Amaeva (Qozog'iston)

3. Filura Ergasheva (O'zbekiston)

3. Vladleno Guseva (Rossiya)

Erkaklar o'rtasida 60 kg. vazn toifasidagi g'oliblar:

1. Muhammadrizo Quvvatov (Tojikiston) 

2. Abdulaziz Xamraev (O'zbekiston)

3. Akobir Qurbonov (O'zbekiston)

 3. Kanat Seylxan (Qozog'iston)

Erkaklar o'rtasida 66 kg. vazn toifasidagi g'oliblar:

1. Qobiljon Ahmedov (O'zbekiston) 

2. Atabek Amirali Xamraev (Qozog'iston)

3. Ruslan Bo'riev (O'zbekiston)

3. Muhammad Yusuf SHuayb (Afg'oniston)

Erkaklar o'rtasida 73 kg. vazn toifasidagi g'oliblar:

1.Sobir Saparbaev (Qozog'iston) 

2.Umidjon Abdullaev (O'zbekiston)

3. O'rol Sodiqov (O'zbekiston)

3. Xusayni Ilsoqzoda (Tojikiston)

Erkaklar o'rtasida mutlaq vazn toifasidagi g'oliblar:

1. Muhsin Xisomiddinov (O'zbekiston) 

2. Dadaxon Qurbonaliev (Tojikiston)

3. Yahyo Imomov (O'zbekiston)

3. Nematullo Asrankulov (Tojikiston)

Xalqaro turnirda o'z vazn toifalariga ko'ra, birinchi o'rinni olgan polvonlar 3 ming, ikkinchi o'rin ikki ming va ikkita uchinchi o'rinni qo'lga kiritgan polvonlarning har biri 1000 AQSH dollari miqdoridagi mukofot bilan taqdirlandi. 

Mutlaq vazn toifasidagi kurashda Muhsin Hisomiddinov (O'zbekiston) O'zbekiston Respublikasi Prezidenti sovrini – 10  ming AQSH dollariga sazovar bo'ldi. 

Ikkinchi o'rinni egallagan tojikistonlik Dadaxon Qurbonalievga 5 ming AQSH dollari pul mukofoti berildi. Uchinchi o'rinni qo'lga kiritgan o'zbekistonlik Yahyo Imomov va tojikistonlik Nematullo Arslanqulovlarning har biriga 3 ming 500 AQSH dollari miqdoridagi sovrin nasib etdi.

Mutlaq vaznning g'olib va sovrindorlariga atalgan pul mukofotlari, sertifikat va medallarni O'zbekiston Respublikasi Bosh vazir o'rinbosari Behzod Musaev, Surxondaryo viloyati hokimi To'ra Bobolov hamda  Xalqaro kurash associaciyasi prezidenti Haydar Farmon tantanali ravishda topshirdi.

Alimurod Mamadaminov, Ilhom RAHMONOV Termiz shahridan tayyorlashdi