07 may 18:52
Yangiliklar
Suv sporti turlari
Amerikalik sportchiga yong'inlar tufayli yo'qotgan 10 ta olimpiya medali nusxalari topshirildi
Suzish bo'yicha Olimpiya o'yinlari chempioni Geri Xoll Kaliforniyadagi yong'inlar sabab yo'qotgan medallarining nusxalarini qabul qildi.
Avvalroq xabar berilganidek, AQSH terma jamoasining sobiq suzuvchisi Geri Xoll tabiiy ofat tufayli Los-Anjelesdagi uyidan va u erdagi 10 ta medalidan ayrilgan edi.
Xalqaro Olimpiya Qo'mitasi (XOQ) 50 yoshli Xollni Lozannaga taklif qildi. U erda tashkilot rahbari Tomas Bax shaxsan uning yo'qolgan medallarining nusxalarini topshirdi.
"Bu juda hayajonli holat, so'z bilan ifoda etish qiyin. Bunday qiyin holatda ko'rsatgan yordami uchun Olimpiya harakatiga minnatdorlik bildiraman", — dedi Xoll.
Xoll 1996 yildan 2004 yilgacha bo'lgan Olimpiya o'yinlarida 5 ta oltin, 3 ta kumush va 2 ta bronza medalini qo'lga kiritgan. Uning otasi katta Geri Xoll ham sportchi bo'lib, 1968, 1972 va 1976 yillarda Olimpiya o'yinlarida 3 ta medal qo'lga kiritgan.
Havola :
Manba : olympics.com
Fikrlar