Andijonda belbog'li kurash bo'yicha “Olimpiya cho'qqilari” g'oliblari aniqlandi + FOTO

Jami 9 ta vazn toifasida mamlakatimizning 11 ta hududidagi olimpiya zaxiralari kollejlarida belbog'li kurash yo'nalishida tahsil olayotgan 92 nafar sportchi-o'quvchilar ishtirok etgan mazkur chempionatning birinchi kunida dastlab, ochilish marosimi tashkil etildi va shundan so'ng bellashuvlarga start berildi.

O'zbekiston belbog'li kurash federaciyasi hakamlar hayati raisi Toshkentboy Yaxshiboev boshchiligidagi hakamlar guruhi ikki kun davomida sportchilarning har bir chiqishini baholab borishdi.

Murosasiz o'tgan chempionatning yakuniy natijalariga ko'ra, quyidagi sportchi-o'quvchilar o'z vazn toifalarida barcha raqiblarini mag'lubiyatga uchratib,  g'oliblikni tantana qilishdi.

38 kg. Akbar Sobirjonov (Andijon), 42 kg. Bunyodbek Rasulov (Farg'ona), 46 kg. Hayotbek Kamoliddinov (Farg'ona), 50 kg. Muslimbek O'ktamjonov (Toshkent sh.), 55 kg. Madxiddin Fazliddinov (Namangan), 60 kg. Asadbek Mamataliev (Toshkent sh.), 65 kg. Suxrobjon Saidbekov (Sirdaryo), 71 kg. Samandar Egamberdiev (Navoiy), +71 kg. Ilyosbek Mirzahmatov (Namangan).

Umumjamoa hisobida Toshkent shahri birinchi, Namangan viloyati ikkinchi va Farg'ona viloyati jamoasi uchinchi o'rinni band etishdi.

Musobaqa yakuniga etgach, g'olib va sovrindorlar diplom va medallar bilan mukofotlanishdi.

Ilhom RAHMONOV tayyorladi