31 avg 13:19
Yangiliklar

Boks/MMA

Anvar Boynazarov ishtirokidagi jang muddatidan avval yakunlandi

Turli MMA Ligalarida ishtirok etib kelayotgan aralash yakkakurash ustamiz Anvar "The Uzbek" Boynazarov navbatdagi jangini o'tkazdi.

Hamyurtimiz biroz avval AQSHning Arizona shtati CHandler shaharchasida yakuniga etgan UFL 5 turniri doirasida braziliyalik Santa Kruz "Samuray" Filoga qarshi jang o'tkazdi. Uch raundga mo'ljallangan jangning birinchi raundida 33 yoshli Santa Kruz sambishen evaziga hamyurtimizni mag'lubiyatga uchratdi. Jang birinchi raundning ikkinchi daqiqasi o'n ettinchi soniyasida referi tomonidan to'xtatildi.

Eslatib o'tamiz, 35 yoshli Anvar Boynazarov bundan avvalgi jangini AQSHning Florida shtati Orlando shahrida tashkil etilgan qo'lqopsiz jang bo'yicha turnir doirasida o'tkazgan edi. Sobiq UFC jangchisi Xorxe Masvidal promousheni tomonidan o'tkazilgan o'sha oqshomda hamyurtimiz raqibi Gonsalesni birinchi raundning 12-soniyasidayoq nokautga uchratgandi.