AQSHning medallari soni 50taga etdi, terma jamoamiz 58-o'rinda!

Terma jamoamiz dzyudochilarimiz Diyorbek O'rozboev va Rishod Sobirov qo'lga kiritgan ikkita bronza medali bilan umumjamoa hisobida 207 ishtirokchi davlat orasida 58-o'rinni egallab turibdi. Bir kun avval biz 49-pog'onadan joy olgandik.

Olimpiadaning ettinchi kungi bahslaridan so'ng AQSH terma jamoasi hamon medallar jamg'arish bo'yicha peshqadamlikni o'z qo'lida saqlab turibdi. Okean orti jamoasi jami roppa-rosa 50ta medalni qo'lga kiritib ulgurdi. SHulardan 20tasi oltin, 13tasi kumush, 17tasi bronza medallaridir.

Ikkinchi o'rindagi Xitoy terma jamoasida 13ta oltin medal bor. Kumush medallar 10tani, bronza esa 14tani tashkil qilmoqda. Ettita oltin, 9ta kumush, 6ta bronza medaliga ega Buyuk Britaniya terma jamoasi uchinchi o'ringa ko'tarilib oldi. Yaponiya terma jamoasi 7ta oltin, 3ta kumush, 14ta bronza medali bilan to'rtinchi o'rinni band etgan.

SHu kungacha 39ta davlat terma jamoalari kamida bir nafar Olimpiada chempioniga ega bo'lib ulgurgan. Ellik to'rtta terma jamoa hisobida esa kamida bittadan kumush medal bor. Oltmish uchta mamlakat terma jamoasi esa kamida bittadan bronza medaliga ega bo'lib turibdi.

MEDALLAR JAMG'ARISH. TOP-10

1. AQSH – 50 (20-13-17)

2. Xitoy – 37 (13-10-14)

3. Buyuk Britaniya – 22 (7-9-6)

4. Yaponiya – 24 (7-3-14)

5. Janubiy Koreya – 13 (6-3-4)

6. Germaniya – 11 (6-3-2)

7. Rossiya – 22 (5-9-8)

8. Franciya – 17 (5-7-5)

9. Avstraliya – 18 (5-6-7)

10. Vengriya – 11 (5-3-3)