Arina Sobolenko "Rolan Garros" 1/2 finalida o'ynaydi

Belaruslik tennis malikasi WTA reytingida 7-o'rinni egallab turgan xitoylik CHjen Cinvenni 7/6(3), 6/3 hisobida mag'lubiyatga uchratdi Arina CHin yurti vakilasiga noqulay raqib bo'lib qolmoqda. O'zaro uchrashuvlardagi hisob 7:1 ko'rinishiga keldi. 

Bir soatu 57 daqiqa davom etgan bahsda Sobolenko 6, CHjen 5 ta eys zarbasini amalga oshirgan. Breyklar bo'yicha ustunlik Arina tomonida bo'ldi - 4 ga 2. Endi u final chiptasi uchun polshalik Iga Svyontekka qarshi kortga chiqadi.