01 dek 10:28
Yangiliklar

Boks/MMA

Arman Carukyan Islam Maxachevning gapini tasdiqladi

Engil vazn toifasi UFC reytingida birinchi o'rinni egallab turgan Arman Carukyan divizion chempioni Islam Maxachevning gaplariga munosabat bildirdi.

Maxachev hamda uning menejeri hali hanuz chempionlik jangi uchun shartnoma olmaganlari haqida aytgan edi. Carukyan ham hali qo'lida shartnoma yo'qligini tasdiqladi.

"Menejerim 2025 yilning boshida jang qilishimni aytdi. Bundan hayratdaman va umid qilamanki, jangim tez orada elon qilinadi. Ular menga jang sanasi va manzilini aytishdi. Buni UFC ham biladi. Faqat chempionlik jangini rasmiy elon qilish qoldi, xolos", - deya Carukyanning so'zlarini keltiradi TNT Sports.

Avvalroq, Islam Maxachev va Arman Carukyan o'rtasidagi chempionlik jangi 18 yanvar kuni AQSHning Los-Anjelesida tashkil etiladigan UFC 311 turniri doirasida o'tkaziladi. Bu Liganing 2025 yildagi birinchi raqamlangan turniri bo'ladi.