Arman Carukyan UFC rahbariyatidan uzr so'radi

Asli kelib chiqishi armanistonlik bo'lgan aralash yakkakurash ustasi uzr bilan birga Dana Uaytdan kamar uchun imkoniyat berishni so'radi.

"Dana Uayt va Xanter Kempbell, meni kechiring! Menga titul jangini bering. Men yaxshi bola bo'laman. Men endi hech qachon va hech kimni urmayman, o'zimni yaxshi tutishga harakat qilaman. O'quv-mashg'ulot yig'inida hamma narsa bo'lishi mumkin - har kim jarohat olishi mumkin. Ammo poygalar, muxlislar bilan mushtlashuvlar, bosh bilan zarbalar - bular endi hech qachon qaytarilmaydi. Ammo jangga chiqsam, kimdir meni ursa - boshqa nima qilishim kerak? Men javob berishim kerak edi", - dedi Arman Daniel Korme bilan suhbatda.

Avvalroq "Axalkalakes" o'tgan hafta oxirida britaniyalik Peddi Pimblettni mag'lub etib, vaqtinchalik chempion bo'lgan amerikalik Jastin Getjini o'zining navbatdagi raqibi sifatida ko'rmoqchi ekani haqida xabar berilgandi.

Carukyan Islam Maxachevga qarshi chempionlik jangidan "echilish", muxlislar bilan janjallashish va jang oldidan Den Xuker bilan face to face marosimida bosh bilan zarba berish kabi bir qator qoidabuzarliklar uchun chempionlik jangidan chetda qolgandi.