02 jan 13:54
Yangiliklar

Boks/MMA

Armen Petrosyanning navbatdagi jang tafsilotlari malum

Yarimog'ir vaznda sobiq AMC Fight Nights promousheni chempioni Armen Petrosyan xalqaro xotin-qizlar bayrami kuni oktagonga qaytadi.

Kelib chiqishi armanistonlik aralash yakkakurash ustasi 8 mart kuni AQSHning Las-Vegas shahrida o'tkaziladigan raqamlangan UFC 313 turnirida braziliyalik Bruno Ferreyraga qarshi oktagonga chiqadi. Ikkala aralash yakkakurash ustasi ham so'nggi janglarini Abu-Dabidagi turnirda o'tkazgan.

Malumot uchun, 34 yoshli Armen Petrosyan oxirgi ikkita jangida raqiblariga muddatidan oldin yutqazib qo'ygan. Avvaliga u Rodolfo Vieyraga uchburchak bo'g'ish usuli bilan yutqadi, keyin esa SHarabutdin Magomedovga nokaut evaziga taslim bo'ldi. 32 yoshli Bruno Ferreyra esa ham so'nggi jangida uchburchak usulida Abusupiyan Magomedovga imkoniyatni boy bergandi.