Asadxo'ja Mo'ydinxo'jaev yarim final haqida: Qozog'istonlik raqiblarimizning hech biri kuchsiz bo'lmagan

-67 kg vazn toifasida terma jamoamiz sharafini himoya qilayotgan Asadxo'ja Mo'ydinxo'jaev yaqim finalda qozog'istonlik Dulat Bekbulatovga qarshi jang qiladi. Bokschimiz bo'lajak bahs xususida gapirdi.

«Qozog'istonlik raqiblarimizning hech biri kuchsiz bo'lmagan. Bundan keyin ham bo'lmaydi. Asosiy raqibimiz doimgidek Qozog'iston. Yarim finalning ikkinchi juftligida  mo'g'ulistonlik CHinzorig Batarsuxning finalga chiqish ehtimoli yuqori. U -63,5 kg vaznda Elnur aka Abduraimovdan ustun kelgan. Yarim finalda ham finalda ham tajribali raqiblar turibdi. Alloh kuch bersa, chempion bo'lib barcha gap-so'zlarga nuqta qo'yamiz», - dedi Mo'ydinxo'jaev.