Asakada professional boks oqshomi

Yangidan tashkil topgan raxbariyat mutassaddilarining fidokorona mexnatlari evaziga har oyda mamlakatimizning turli viloyatlarida reyting janglari tashkil etilish barobarida professional boks xavosi etib bormagan chekka xududlarda ham mazkur sport turining rivojlantirish ishlari olib borilishi quvonarli xol albatta. Bu borada federaciya birinchi vice prezidenti Vladimir Nikolaevich SHin, vice prezident Muxammadqodir Abdullaev, bosh direktor Nabijon Ismonov, bosh kotib Mahmud Xo'jaevlarning mexnatlarini alohida takidlab o'tish zarur. Yaqindagina Andijon viloyatining Xonobod shahrida tashkil etilgan professional boks kechasi muxlislar etirofiga sazovor bo'lgan edi.

Bugun esa shunday jang oqshomi Asakada start olish arafasida. Ertaga 6 mart kuni xududiy chempionat maqomidagi ilk bor, o'ziga xos reyting va chempionlik janglari o'tkaziladi.
Jang kechasi yuqorida takidlab o'tganimizdek, xududiy maqomga ega bo'lib, unda Sirdaryo va Vodiyning har uch viloyati ishtirok etadi. Eslatib o'tamiz: Hududiy musobaqalar to'rtga bo'linadi.

1.Voxa hududi: Qashqadaryo, Surxondaryo, Samarqand, Navoiy.
2. Xorazm hududi: Qoraqalpog'iston Respublikasi, Xorazm, Buxoro.
3. Toshkent hududi: Toshkent shahri, Toshkent viloyati Jizzax.
4. Vodiy hududi: Sirdaryo, Andijon, Namangan, Farg'ona.

Jang oqshomida qaysi juftliklar baxs olib borishi va natijalar borasida habardor qilib boramiz. Saytimizni kuzatib boring!

Ahmadjon Eshmatov