Asila Mirzayorova etirof etildi

Kuni kecha “30 iyun – Yoshlar kuni” munosabati bilan O'zbekiston yoshlar ittifoqida o'tkazilgan tantanali tadbirda bir qator istedodli yoshlar mukofotlanishdi. Etiborlisi, Para atletika bo'yicha O'zbekiston Milliy terma jamoasi azosi Asila Mirzayoreva ham shu kuni sportda erishgan yutuqlari uchun O'zbekiston belgisi ko'krak nishoni bilan taqdirlandi.

Takidlash kerakki, Asila Mirzayorova 1999 yil Qashqadaryo viloyatida tavallud topgan. Ko'rish qobiliyatini yo'qotgan ushbu sporchimiz 2016 yildan buyon Paralimpiya bo'yicha O'zbekiston terma jamoasi bosh murabbiyi Sardor Abduhaliqov qo'l ostida muntazam shug'ullanib kelmoqda.

Asila o'tgan davr mobaynida Yoshlar o'rtasida Osiyo chempionatida oltin medalni qo'lga kiritdi va 2018 yil Indoneziyada o'tkazilgan Osiyo o'yinlarida sovrindor bo'ldi. Ayni damda u 2021 yil Tokio mezbonlik qiladigan yozgi Paralimpiya o'yinlariga yo'llanma qo'lga kiritish arafasida turibdi.