Asosiy to'rga saralash turniri orqali etib kelgan tennischimizning ertagi 1/4 finalda yakunlandi

O'zbekistonning to'rtinchi raketkasi Layma Vladson ushbu musobaqaning saralash bosqichidagi muvaffaqiyatli ishtiroki sabab asosiy to'rga etib kelgandi. Vakilamiz 1/16 finalda musobaqaning beshinchi raketkasi, germaniyalik Yoxanna Brokmannni 6/2, 6/1, 1/8 finalda dunyoning 317-raketkasi, estoniyalik Elena Maliginani 6/3, 2/6, 6/2 hisobida mag'lubiyatga uchratgan edi.

Biroz avval yakuniga etgan 1/4 final bahsida esa oxir-oqibat tajriba o'z so'zini aytdi. Layma WTA reytingida 507-pog'onada borayotgan chexiyalik Aneta Labutkovaga 3/6, 1/6 hisobida imkoniyatni boy berib, musobaqadashi ishtirokini yakunladi. Vladson ayni paytda WTA reytingida 795-o'rinni egallab turibdi.