17 okt 16:14
Yangiliklar

Kurash

Astanadagi jahon chempionatida besh bor O'zbekiston madhiyasi yangradi + FOTO

12-15 oktyabr kunlari Qozog'istonning Astana shahrida belbog'li kurash bo'yicha 2002-2004 yillarda tug'ilgan o'g'il bolalar va qizlar o'rtasida navbatdagi jahon chempionati bo'lib o'tdi.

Yigirmaga yaqin davlatdan kelgan sportchilar o'rtasidagi mazkur jahon chempionati bellashuvlarida namanganlik tajribali murabbiy Elmurod Abdullaev boshchiligidagi terma jamoamiz ham ishtirok etib, 5 ta oltin, 1 ta kumush va 6 ta bronza medallarini qo'lga kiritishib, umumjamoa hisobida faxrli birinchi o'rinni egallashdi.

Ikkinchi o'rinni 4 ta oltin medal bilan Rossiya terma jamoasi egallagan bo'lsa, 3 ta oltin medalga ega chiqishga muvaffaq bo'lgan mezbonlar uchinchi o'rinni band etishdi.

G'olib va sovrindor polvonlarimiz:

Oltin medal sohiblari

62 kg. Azizjon Azimjonov (Farg'ona), 75 kg. Nusratbek Sultonboev (Andijon), 82 kg. Ilyos Ahmadov (Sirdaryo), 100 kg. Oybekjon Muhammadov (Farg'ona), 76 kg. Zeboxon Nosirova (Namangan).

Kumush medal sohibi

+100 kg. Muhammad Vahobov (Toshkent v.).

Bronza medali sohiblari

52 kg. Farangiz Abdunabieva (Sirdaryo), 57 kg. Hasan Azimov (Toshkent v.), 62 kg. Navro'zbek Mahamadaliev (Namangan), 75 kg. Fayozbek Abdug'afforov (Farg'ona), 100 kg. Umidjon Jalilov (Farg'ona), +100kg. Asadbek Marufov (Farg'ona).