Atletlarimiz mashg'ulotlarni boshlashdan avval tibbiy ko'rikdan o'tishdi

Jumladan, “yashil” va “sariq” hududlarda  sport sekciyalari, to'garaklari, sport zallari va fitnes klublar faoliyatiga ruxsat berildi. SHu bilan birgalikda, bir qator sport turlari bo'yicha sportchilarimizning karantin talablari asosida mashg'ulotlar olib borilishi ham yo'lga qo'yilmoqda.

SHu kunlarda MOQ qoshidagi Respublika sport tibbiyoti ilmiy-amaliy markazida (RSTIAM) Olimpiya sport turlari bo'yicha barcha terma jamoamiz vakillari belgilangan grafik asosida bir necha bosqichdan iborat tibbiy tekshiruvdan o'tishmoqda. Tekshiruvlar, avvalo, COVID-19 uchun tahlillar, shuningdek, chuqurlashtirilgan tibbiy va jismoniy tayyorgarlik bo'yicha olib borilmoqda. 

MOQ Matbuot xizmatining xabariga ko'ra, bugun ham boshqa sport turlari kabi og'ir atletika bo'yicha O'zbekiston terma jamoasi vakillari RSTIAMda bo'lishdi. Quvonarlisi, asosiy terma jamoamiz vakillarining hech birida xavfli kasallik alomatlari aniqlangani yo'q. Og'ir atletikachilarimiz ham mamlakatimizda karantin elon qilingach bir necha hafta o'z uylarida mashg'ulot olib borishdi. Ushbu tekshiruv orqali terma jamoa murabbiylari va shifokorlari ham sportchilarning funkcional holatidagi o'zgarishlar bo'yicha etarli malumotga ega bo'lishdi. 

Takidlash joiz, bugungi xulosa terma jamoa mutasaddilariga karantindan so'ng yil yakunigacha atletlarning tayyorgarligiga oid kerakli dasturni ishlab chiqishda muhim ahamiyat kasb etadi.