Atletlarimiz tosh ko'tarish bo'yicha Jahon chempionatida 25 ta medal qo'lga kiritishdi

O'ttizga yaqin davlatdan 500 nafarga yaqin sportchi qatnashgan dunyo birinchiligida Vohiddin Najmiddinov boshchiligidagi O'zbekiston terma jamoasi polvonlari ham muvaffaqiyatli tarzda ishtirok etishdi. Musobaqaning estafeta siltab ko'tarish bahslarida SHavkat To'raev, SHohruh Usmonov, G'ayrat Jabborov, Navro'zbek Oxunjonov, Umidjon Sobirov, Oybek Elamonov, Ahadjon Mamatov va Javohir Eshmamatov birinchi o'rinni band etishdi.  

Yana bir quvonarli holat shundaki, O'zbekiston terma jamoasi tarkibida Davlat Xavfsizlik Xizmati sportchilari ham medallar shodasiga ega chiqishdi. Saidnazarov X. (63 kg), Ro'ziboev A. (68 kg), Sodiqov SH. (78 kg), Hamdamov M. (85 kg), Xudayqulov J. (95 kg), Nematov R. (90 kg), Jamilov M. (+95 kg), Toshquvvatov B. (+95 kg) va Qurbonov J. (90 kg) g'olib va sovrindorlar safidan joy olishdi. Ular 6 ta oltin, 4 ta kumush, 5 ta bronza medaliga sazovor bo'lishdi. 

Tarixda ilk bor estafeta siltab ko'trish yo'nalishida professional jamolar o'rtasida Rajabbek Nematov, Javohir Xudoyqulov, Bahriddin Toshquvvatov, Mirxon Jamilov oltin medal qo'lga kiritishdi. 

SHu tariqa, O'zbekiston terma jamoasi tosh ko'tarish bo'yicha Jahon chempionatida 17 ta oltin, 5 ta kumush, 3 ta bronza medali jamg'arib, umumjamoa hisobida 2-o'rinni egallashdi. Rossiya terma jamoasi birinchi, avstraliyalik sportchilar uchinchi o'rinni band etishdi.