ATP Finals. Alkaras guruh bosqichini yuz foizlik natija bilan yakunladi

Ispaniyalik tennischi ATP reytingida to'qqizinchi o'rinni egallab turgan italiyalik Lorenco Muzettini o'z vatandoshlari ko'z o'ngida ortiqcha qiyinchiliksiz mag'lubiyatga uchratdi - 6/4, 6/1. 

Sakson to'rt daqiqa davom etgan bahsda Alkaras 2, Muzetti 3 ta eys zarbasini amalga oshirgan. Ikkala tennischi ham to'pni o'yinga kiritishda bexato harakat qilishdi. Breyklar bo'yicha mutlaq ustunlik tabiiyki, g'olib tennischi tomonida bo'ldi - 3 ga 0. 

Uchta uchrashuvning barida g'alaba qozongan Karlos Alkaras guruh g'olibi sifatida 1/2 finalga chiqdi. Lorenco Muzetti esa 1 g'alaba va 2 mag'lubiyat bilan guruhda so'nggi o'rinni egalladi.