Australian Open 2026. Birinchi raketkamiz dunyoning uchinchi raketkasi bilan 100 daqiqa o'ynadi

O'z tarixida 114-marotaba tashkil etilayotgan, umumiy mukofot jamg'armasi rekord daraja - 111,5 million AQSH dollariga etkazilgan Avstraliya Ochiq chempionatining ayollar o'rtasidagi asosiy to'r bahslarida mamlakatimizning birinchi hamda uchinchi raketkalari - Kamilla Rahimova va Polina Kudermetova yurtimiz sharafini himoya qilishi haqida xabar bergan edik.

Kamilla Rahimovani jiddiy sinov kutib turgandi. U biroz avval yakuniga etgan birinchi davra uchrashuvida dunyoning uchinchi raketkasi, amerikalik Koko Goff bilan hisob-kitob qildi. Roppa-rosa 100 daqiqa davom etgan bahsda mo'jiza ro'y bermadi. Goff 6/2, 6/3 hisobida g'alaba qozonib, 1/32 finalga yo'l oldi. Endi u ikkinchi bosqichda asosiy to'rga imtiyozli yo'llanma asosida qo'yilgan amerikalik 45 yoshli Vinus Uilyamsdan uch set natijasiga ko'ra ustun kelgan serbiyalik Olga Danilovichga qarshi kortga chiqadi. 

Taqqoslash uchun, Kori Goff ayni paytda WTA reytingida 3, Rahimova esa 93-o'rinni egallab turibdi. Ikkala tennischi ham uchrashuv mobaynida bittadan eys zarbasini amalga oshirdi. Qo'shxatolar Korida ko'p bo'ldi - 7 ga 4. Bu tennischilarning o'zaro o'tkazgan uchinchi uchrashuvi bo'ldi. Uchchala bahsda ham amerikalik tennischining qo'li baland kelgan.