Australian Open. 326 daqiqa davom etgan Alkaraz - Zverev uchrashuvida ilk finalchi aniqlandi

Bugun erkaklar o'rtasidagi bahslarda yarim finallar o'tkazilmoqda. Ilk yarim finalda dunyoning birinchi raketkasi, ispaniyalik Karlos Alkaraz uchinchi raketka, germaniyalik Aleksandr Zverevga qarshi kortga chiqdi.

Hozirgina yakuniga etgan va 5 soatu 26 daqiqa davom etgan dramatik uchrashuvda Karlos Alkaraz 6/4, 7/6(5), 6/7(3), 6/7(4), 7/5 hisoblarida g'alaba qozonib, hal qiluvchi finalga yo'l oldi. Uchrashuvda Karlos 12, Aleksandr 17 ta eys zarbasini amalga oshirgan. Qo'shxatolar Alkarazda ko'proq bo'ldi - 5 ga 4. 

Endi u finalda Novak Jokovich - Yannik Sinner uchrashuvi g'olibiga qarshi kortga chiqadi. Final o'yini yakshanba, 1 fevral kuni o'tkaziladi.