25 jan 10:05
Yangiliklar
Tennis
Australian Open. Ayollar o'rtasidagi juftlik bahslarida finalchilar malum
Avstraliyaning Melburn shahrida o'tkazilayotgan tennis bo'yicha yilning ilk "Katta Dubulg'a" turkumiga kiruvchi turniri o'z yakuni sari yaqinlashmoqda.
Musobaqaning ayollar o'rtasidagi juftlik bahslarida final ishtirokchilari malum bo'ldi. Xitoy Taypeyi vakilasi Se Su-Vey latviyalik Elena Ostapenko bilan juftlikda kanadalik Gabriela Dabrovski hamda Yangi Zelandiya vakilasi Erin Rutlif hamkorligini uch set natijasiga ko'ra mag'lubiyatga uchratdi - 7/6(3), 3/6, 6/3.
Ikki soatu 25 daqiqa davom etgan bahsda Se/Ostapenko 6, Dabrovski/Rutlif juftligi 4 ta eys zarbasini amalga oshirgan. Qo'shxatolar ham xuddi shu ko'rinishda bo'ldi. Ikkala juftlik ham 3 tadan breyk-poyntdan foydalangan. Endi ular bosh sovrin uchun chexiyalik Katerjina Sinyakova va amerikalik Teylor Taunsend juftligiga qarshi kortga chiqishadi.
Havola :
Manba : wta
Fikrlar