14 jan 08:45
Yangiliklar

Tennis

Australian Open. Emma Radukanu startda qiyin g'alabaga erishdi

Avstraliyaning Melburn shahrida tennis bo'yicha "Katta Dubulg'a" turkumiga kiruvchi yilning dastlabki turniri davom etmoqda.

Australian Open musobaqasining ayollar o'rtasidagi bahslarida dunyoning 31-raketkasi bo'lib turgan rossiyalik Ekaterina Aleksandrova reytingda o'zidan 30 pog'ona quyida borayotgan britaniyalik Emma Radukanuga tay-breklarda yutqazib qo'ydi - 6/7(4), 6/7(2).

Bu tennis malikalarining o'zaro o'tkazgan ilk uchrashuvi edi. Ikki soatu 19 daqiqa davom etgan bahsda ikkala tennischi ham 6 tadan breykni amalga oshirgan. Qo'shxatolar Emmada 10 taga ko'p bo'ldi - 14 ga 4! Endi Radukanu Australian Open ikkinchi bosqichida amerikalik Amanda Anisimovaga qarshi kortga chiqadi.