Australian Open. Humoyun Sultonov 1/2 finalda kambek amalga oshirgandi, ammo...

Hamyurtimiz Humoyun Sultonov Avstraliya Ochiq chempionatidagi ishtirokini g'alaba bilan boshlab olgandi. Mamlakatning birinchi raketkasi saralash bosqichining ilk davrasida reytingda o'zidan deyarli 100 pog'ona yuqorida borayotgan kolumbiyalik Daniel Elaxi Galanni 6/3, 6/7(2), 7/5 hisoblarida mag'lubiyatga uchratgandi.

Afsuski, Humoyun hozirgina yakuniga etgan va 101 daqiqa davom etgan uchrashuvda chexiyalik Dalibor Svrchinaga alamli tarzda imkoniyatni boy berib qo'ydi. Birinchi setni 3/6 hisobida boy bergan namanganlik 26 yoshli tennischimiz kambek evaziga muvozanatni tikladi - 6/1. Hal qiluvchi uchinchi setda 3/1 hisobida oldinga chiqib olgandi. Ammo jarohat sabab muvaffaqiyatni rivojlantira olmadi. To'rtinchi geymdan keyin shifokorlardan yordam olib kortga qaytgan Sultonov 3/6 hisobida yutqazdi.   

Taqqoslash uchun, Humoyun Sultonov ayni paytda ATP reytingida 215, uning birinchi davradagi raqibi Galan 126, Svrchina esa 228-o'rinni egallab turibdi. Sultonov tennischilarning o'zaro ikkinchi uchrashuvida ham chexiyalikka uch set natijasiga ko'ra imkoniyatni boy berdi. Dalibor 2024 yilning 17 noyabr kuni Mumbaydagi turnirning finalida ham Sultonovni taslim etgandi.