Australian Open. Iga Svyontek raqibasiga bitta geym berdi

Polshalik tennis malikasi Australian Open 1/8 finalida WTA reytingida 128-pog'onada borayotgan germaniyalik Eva Lisga hech qanday imkoniyat qoldirmadi - 6/0, 6/1. Bu tennischilarning o'zaro o'tkazgan ikkinchi uchrashuvi bo'ldi - 2:0. 

Roppa-rosa bir soat davom etgan bahsda Svyontek 3 ta eys, 5 ta breykni amalga oshirib, 2 ta qo'shxatoga yo'l qo'ydi. Iga faoliyatida ikkinchi bor Australian Open 1/4 finalida ishtirok etadi. 2022 yilgi turnirda u 1/2 finalga qadar etib borgandi. Uning navbatdagi raqibasi amerikalik Emma Navarro bo'ladi.