18 jan 10:36
Yangiliklar

Tennis

Australian Open. Svyontek Radukanuni "sochib" tashladi

Tennis bo'yicha "Katta Dubulg'a" turkumiga kiruvchi Australian Open turnirida 1/8 final ishtirokchilari malum bo'lyapti.

Sayyoramizning ikkinchi raketkasi Iga Svyontek ortiqcha qiyinchiliksiz musobaqaning nimchorak final ishtirokchisiga aylandi. Polshalik tennis malikasi uchinchi davrada WTA reytingida 61-pog'onadan joy olgan britaniyalik Emma Radukanuga hech qanday imkoniyat qoldirmadi - 6:1, 6:0.

Etmish daqiqa davom etgan bahsda Svyontek 2, Radukanu 1 ta eys zarbasini amalga oshirgan. Beshta breyk-poynt evaziga polshalik tennischi engil g'alabani qo'lga kiritdi. Avstraliya Ochiq chempionatining umumiy mukofot jamg'armasi salkam 60 million AQSH dollarini tashkil qiladi.