Australian Open turnirida muxlislar tashrifi bo'yicha rekord yangilandi

Etiborlisi, bu yilgi turnirda muxlislar tashrifi bo'yicha Avstraliya Ochiq chempionati tarixidagi rekord yangilandi. "Melburn-park"da o'tgan saralash va final bosqich uchrashuvlariga jami 1 million 218 ming 831 nafar muxlis tashrif buyurgan. 

Bu bilan o'tgan yili o'rnatilgan rekord yangilandi. 2024 yilgi Australian Open uchrashuvlariga bu yilgisidan 108 ming kamroq muxlis kelgandi. Bu yilgi asosiy to'r bahslarini 1 million 102 ming 303 muxlis bevosita arenada tomosha qilgan. 

Eslatib o'tamiz, erkaklar o'rtasidagi musobaqada dunyoning birinchi raketkasi italiyalik Yannik Sinner qatorasiga ikkinchi yil ham bosh sovrinni qo'lga kiritgan bo'lsa, ayollar turnirida kutilmaganda amerikalik Medison Kiz chempionlik kubogiga ega chiqqandi. U final bahsida o'tgan yilgi chempion Arina Sobolenkodan ustun kelgandi.