BAAdan kelgan sport shifokori mutaxassislarimiz bilan o'z bilimini o'rtoqlashmoqda

MOQda sport shifokorlari uchun mo'ljallangan ana shunday seminarlardan biri boshlandi. Maruzalar BAAdan tashrif buyurgan malakali shifokor Sari SHayx Al Najjor tomonidan olib borilmoqda.

Rejaga ko'ra, seminar 6 iyunga qadar davom etadi. Xorijlik ekspert ungacha manual terapiya sohasidagi ko'p yillik tajribalari borasida o'z bilimlari bilan o'rtoqlashadi. Kecha seminarning ilk qismida doktor Al Najjor o'z faoliyati, sohadagi dolzarb mavzular bo'yicha gapirib o'tdi.

Dasturga muvofiq, yana ikki kun davomida mutaxassislar MOQ qoshidagi Respublika sport tibbiyot ilmiy-amaliy markazida malaka oshirishadi. Amirliklardan tashrif buyurgan mehmon atletlarni reabilitaciya qilish, manual terapiya borasidagi malakalari bilan o'rtoqlashadi.