Bahodir Jalolov tanqidchilarga javob qaytardi

Bir necha kun avval og'ir vaznli bokschimiz Bahodir Jalolov Dubayda jang o'tkazdi. Jang yakunida «Big Uzbek» Joshua, Usik va Fyuri bilan uchrashishga tayyorligini bildirgan edi. Bokschining ushbu gaplari ko'plab muhokamalarga sabab bo'ldi. Jalolov Instagram sahifasi orqali tanqidchilarga javob qaytardi:

«Barchaga o'z minnatdorchiligimni bildiraman! Duolaringiz bilan professional boksdagi barcha janglarim g'alaba bilan yakunlandi (10-0) Alhamdullilah!

Jang yakunida WBC va "Probellum" Prezidentlariga aytgan gaplarimdan so'ng bizga ayrim boksni zo'r tushunadigan odamlardan juda ko'p «aqlli» fikrlar  va noo'rin munosabatlar etib kela boshladi.

Unga ko'ra, men Joshua, Usik, Tayson Fyuri yoki boshqa kuchli bokschilar bilan 1 raund ham jang qila olmas ekanman. Bunday izohlar menga faqat motivaciya beradi, sababi shu gaplarning egalari keyinchalik uyalib qolishlari uchun bor kuchim bilan harakat qilaman. O'zbek bokchilarining hech kimdan kam joyi yo'q.

Bundan roppa rosa 5-6 yil ilgari bildirilgan negativ fikrlar xayolimga keldi, o'shanda meni xech qachon Olimpiya o'yinlarini yuta olmaydi deyishgan edi! Alhamdullilah, Alloh Olimpiada chempioni degan unvonni berdi! In SHaa Alloh, professional boksda ham sizlarni uyaltirmaslik uchun bor kuchim bilan xarakat qilaman! 

Meni qo'llab-quvvatlayotgan yaqinlarim va aziz vatandoshlarimni esa chin ko'ngildan yaxshi ko'raman», - deya post qoldirdi Jalolov.