Bandixonda kurash bellashuvlari o'tkazildi

Bellashuvlarda Qoraqalvog'iston respublikasi, Toshkent shahri hamda viloyatlardan saralanib kelgan 1000 nafarga yaqin o'g'il-qizlar o'z mahoratlarini namoyish etishdi. O'zbekiston chempionati asosan sport maktablarida shug'ullanuvchi 2010-2011 yillarda tug'ilgan o'smirlar va qizlar o'rtasida bo'lib o'tdi.  

O'zbekiston Respublikasi sportni rivojlantirish vazirligi hamda O'zbekiston Bel olish va uch kurash associaciyasining yillik-taqvim rejasidan o'rin olgan mazkur mamlakat chempionatining xar bir yo'nalishidagi bellashuvlar qizg'in kurashlarga boy tarzda davom etdi.

Dastlab yosh atletlar o'nta vazn toifasida bel olish, bel olishning xalqa-chalish hamda bel olishning xalqa-chalishsiz yo'nalishlarida medallar uchun kurashishdi. Uch kurash bo'yicha o'tkazilgan bahslar ham qizg'in va qiziqarli kurashlar ostida tashkil etildi.

O'zbekiston chempionati yakunida Biloliddin Ahmadaliev, Sevara Jumanazarova, Behruz Abdaliev, Zuhra G'anieva va boshqa sportchilar o'z vazn toifalarida O'zbekiston chempioniga aylanishdi.