“Barkamol avlod” va “Universiada” endi qay tartibda o'tkaziladi?

Yig'ilishda Vazirlar Mahkamasining 2018 yil 25 oktyabrdagi “O'quvchi va talaba yoshlar o'rtasida o'tkaziladigan respublika sport musobaqalari tizimini yanada takomillashtirish to'g'risida”gi qarorida belgilab berilgan vazifalar ijrosi tahlil etilib, “Barkamol avlod-2019” va “Universiada-2019” sport musobaqalarining Respublika final bosqichini yuqori saviyada tashkil etish va o'tkazish chora-tadbirlari belgilab olindi.

Dastlab Vazirlar Mahkamasi qarorida belgilab berilgan vazifalarning bajarilishi to'g'risida Jismoniy tarbiya va sport vaziri o'rinbosari SHarifjon Mo'minjonov maruza qildi.

SHuningdek, yig'ilishda tashkiliy qo'mita masul kotibi, O'zbekiston talabalar sporti associaciyasi raisining birinchi o'rinbosari Erkin Qodirov va “Barkamol avlod-2019” hamda “Universiada-2019” sport musobaqalarining Respublika final bosqichini yuqori saviyada tashkil etish va o'tkazish bilan bog'liq sarf-xarajatlarni moliyalashtirish masalalari yuzasidan Oliy va o'rta maxsus talim vazirligi Moliyalashtirish va buxgalteriya hisobi boshqarmasi boshlig'i M.Hamroev ham so'zga chiqdi.

Kun tartibiga qo'yilgan masalalar atroflicha muhokama qilinib, mutasaddi vazirlik, idora va hokimlik rahbarlarining takliflarini inobatga olgan holda tashkiliy qo'mita tomonidan tegishli qaror qabul qilindi. 

Unga ko'ra, Kasb-hunar kollejlari o'quvchi yoshlari o'rtasida o'tkaziladigan “Barkamol avlod-2019” hamda oliy talim muassasalari talabalarini qamrab olgan “Universiada-2019” sport musobaqalarining Respublika final bosqichi har yili sport turlari bo'yicha navbatma-navbat, respublikaning barcha hududlarida o'tkazilishi, mazkur musobaqalarni yuqori saviyada o'tkazish uchun Toshkent shahrida Respublika shtabini tashkil etish va O'zbekiston talabalar sporti Associaciyasiga biriktirish belgilandi.

SHuningdek, barcha mutasaddi vazirlik, idora va tashkilotlar, hokimliklar zimmasiga “Barkamol avlod-2019” hamda “Universiada-2019” sport musobaqalarining Respublika final bosqichlarini yuqori saviyada tashkil etish va o'tkazish yuzasidan bir qator tegishli vazifalar yuklandi.