"Barselona" Ronald Arauxoga narx belgiladi

Kataloniya klubi urugvaylik himoyachini 100 million evroga sotishga tayyor. Qaysidir jamoa futbolchi uchun shuncha summani taklif qilsa, "Barselona" ushbu transferga rozilik beradi. Ronald Arauxoga "Bavariya" va "Manchester Yunayted"dan jiddiy qiziqish bor.

Yaqin vaqtgacha 25 yoshli Arauxoga daxlsiz deb qaralardi va "ko'k-anorranglilar" boshqa klublar urugvaylik futbolchiga qiziqish bildirganiga qaramay, uni qo'yib yubormagandi. Ronald joriy mavsum "Barselona" safida 36 ta o'yin o'tkazib, 1 ta gol urdi.