Basketbol. Olimpiada-2024 yo'llanmasini qo'lga kiritgan yana ikki jamoa malum

Kecha o'tkazilgan ikki chorak final uchrashuvidan so'ng Germaniya va Serbiya terma jamoalari Parij-2024 Olimpiadasi yo'llanmsini qo'lga kiritishdi. Ikki kun avval yarim finalga yo'l olgan AQSH va Kanada terma jamoalari ham Olimpiya o'yinlari chiptasini naqd qilishgandi. 

SHuningdek, Janubiy Sudan (Afrikaning eng yaxshi jamoasi), Yaponiya (Osiyoning eng yaxshi jamoasi) va Avstraliya (Okeaniyaning eng yaxshi jamoasi) ham kelasi yili Parijga boradi. Franciya mezbon sifatida Parij Olimpiasida qatnashadi.  

Bundan tashqari, Olimpiya kvalifikacion turnirida ishtirok etadigan 24 terma jamoaning ham nomi malum bo'lib ulgurdi. Tabiiyki, ular orasida O'zbekiston yo'q. 

Kvalifikacion turnir ishtirokchilari: Litva, Italiya, Latviya, Sloveniya, Ispaniya, CHernogoriya, Puerto-Riko, Braziliya, Dominikan Respublikasi, Greciya, Gruziya, Misr, Finlyandiya, Yangi Zelandiya, Livan, Filippin, Meksika, Angola, Kot-d’Ivuar, Kamerun, Bagam orollari, Bahrayn, Polsha va Xorvatiya.

JCH-2023. Kechagi 1/4 final natijalari

Kanada - Sloveniya - 100:89 (26:24, 24:26, 30:21, 20:18)

Germaniya - Latviya - 81:79 (13:16, 23:18, 26:25, 19:20)