Bayrog'imiz qabul qilingan kun munosabati bilan ommaviy tadbir o'tkazildi

Mazkur tadbirda vazirlik rahbariyati va 500 nafarga yaqin professional va havaskor sportchilar qatnashdi. 

– Bugun O'zbekiston Respublikasi bayrog'i qabul qilingan kunga 28 yil to'ldi. Muhtaram Prezidentimiz mazkur bayramni keng miqyosda o'tkazish bo'yicha topshiriq bergandilar. Ushbu kun haqiqatan ham mamlakatimiz miqyosida nishonlanadigan eng yirik tadbirlardan biri hisoblanadi. CHunki bu faqatgina davlatimiz ramizigina bo'lib qolmay, dunyodagi eng chiroyli bayroqlardan biri hamdir. 

CHunki biz ko'plab xalqaro musobaqalarda qatnashganimizda ham ko'pchilik davlatlar buni alohida etirof etishgan. Niyat qilamizki, Xudo xohlasa, 2020 yilda Tokio olimpiadasida ham hamyurtlarimiz mana shu bayrog'imizni baland ko'tarishadi. SHunday ekan, ushbu bayroq sportchilarimiz uchun Tokio olimpiadasi uchun qaysidir manoda estafeta desam, menimcha, xato bo'lmaydi. Bayrog'imiz qabul qilingan kun barchamizga muborak bo'lsin, – dedi Jismoniy tarbiya va sport vaziri o'rinbosari SHarifjon Mo'minjonov. 

SHuningdek, tadbir so'nggida vazirlik rahbariyati vakillari va mamlakatimiz sporti yulduzlari yosh sportchilarga bayroq ulashdi.