08 may 17:54
Yangiliklar

Kurash

Belbog'li kurash. Alplar "Samo"da bellashishdi + FOTO

Farg'ona shahridagi "Samo" sport majmuasida belbog'li kurash bo'yicha erkaklar va ayollar o'rtasida O'zbekiston chempionati musobaqasi bo'lib o'tdi.

O'zbekiston Respublikasi Yoshlar siyosati va sport vazirligi hamda O'zbekiston belbog'li kurash federaciyasining yillik-taqvim rejasidagi mazkur chempionatda mamlakatimizning barcha hududlaridan 200 nafardan ortiq polvonlar ishtirok etdi. Yuqori saviyada tashkil etilgan ushbu chempionatda dastlab, tantanali ochilish marosimi tashkil etildi.

Marosimda ishtirok etgan O'zbekiston belbog'li kurash federaciyasi raisi Ravshan Dastirov, Farg'ona viloyati yoshlar siyosati va sport bosh boshqarmasi boshlig'i Nodirbek Hakimovlar sportchilarni qutlar ekan, yurtimizda keyingi yillarda jismoniy tarbiya va sportga, milliy sport turlarimizga, xususan, sportning aholi orasida ommaviyligini taminlash kabi ishlarga alohida etibor qaratilayotgani haqida takidlab, polvonlarlarga omad tilashdi.

SHundan so'ng kattalar o'rtasidagi mazkur O'zbekiston chempionatiga start berildi. Ikki kun davom etgan ushbu bellashuvlarda erkaklar belbog'li kurashning erkin va klassik yo'nalishlarida 8 ta vazn toifasida, ayollar erkin yo'nalishda 5 ta vaznda kurash tushishdi. Murosasiz va qizg'in o'tgan bahslarning yakuniy natijalariga ko'ra, quydagi polvonlar o'z vazn toifalarida g'oliblikni tantana qilishdi.

Belbog'li kurash yo'nalishi. Erkaklar

57 kg. Jamoliddin Abdukamolov (Namangan),62 kg.Abduqodir Avazbekov (Farg'ona), 68 kg.Ilyosbek Yoqubjonov (Andijon), 75 kg. Nusratbek Sultonboev (Andijon), 82 kg. Husniddin Ro'ziev (Andijon), 90 kg. Jasurbek Isroilov (Andijon), 100 kg. Nodirbek Axatjonov (Toshkent sh.), +100 kg. Baxtiyor Jumaboev (Sirdaryo)

Belbog'li kurashning erkin yo'nalishi. Erkaklar

57 kg. SHaxzod Usmonov (Toshkent v.), 62 kg. Sarvar To'xtasinov (Namangan), 68 kg. SHoxrux Zokirov ( Toshkent v.), 75 kg. Nusrat Yo'ldoshev (Toshkent v.), 82 kg. Og'abek Amatbaev (Toshkent v.), 90 kg. Husan Abduhakimoa (Sirdaryo), 100 kg. Obidali Mavlonov (Farg'ona), +100 kg. Hislat Pirmatov (Toshkent v.).

Ayollar

52 kg. Farangiz Abdunabieva (Sirdaryo), 58 kg. Manzuraoy Mo'ydinova (Farg'ona), 60 kg. Maftunabonu Mahmudova (Andijon), 76 kg Dilafruz Mamajonova (Namangan), +76 kg. Sahobat SHeralieva (Namangan).

CHempionat yakunlangach, kuchli uchlikdan joy olgan sportchilar tashkilotchilar tomonidan diplom, medal va esdalik sovg'alari bilan taqdirlanishdi.

Takidlash joiz, mazkur chempionat joriy yil 20-25 may kunlari Jizzax shahri mezbonlik qiladigan Osiyo chempionatiga saralash vazifasini ham o'tab berdi.