Belbog'li kurash: CHiroqchida O'zbekiston chempionati o'tkazilmoqda

O'zbekiston Respublikasi  Sportni rivojlantirish vazirligi hamda O'zbekiston belbog'li kurash federaciyasining yillik – taqvim rejasidagi mazkur mamlakat chempionati bahslarida  Qoraqalpog'iston Respublikasi, Toshkent shahri va barcha  viloyatlardan  300 nafardan ortiq  yosh polvonlar g'oliblik uchun kurash tushishmoqda. CHempionat bahslarida dastlab, musobaqaning tantanali ochilish marosimi tashkil etildi. Marosimda CHiroqchi tumani hokimi Nodir Erkaev, tuman sektor rahbarlari, Qashqadaryo viloyati sportni rivojlantirish bosh boshqarmasi boshlig'i Vahob Ro'ziev, O'zbekiston belbog'li kurash federaciyasi raisi Ravshan Dastirov, Qashqadaryo viloyat belbog'li kurash federaciyasi raisi Farhod Jumanov, tuman BO'SM direktori Anvar Jo'raev va boshqalar ishtirok etib, yosh polvonlarni qutlashdi va ularga musobaqalarda omad tilashdi.   

Yuqori saviyada tashkil etilgan ushbu chempionatda o'g'il bolalar belbog'li kurashning erkin va klassik yo'nalishlarida 10tadan vazn toifasida, qizlar esa erkin yo'nalishda 7 ta vazn toifasida g'oliblik uchun kurash tushishmoqda.

Musobaqa 28 aprelga qadar davom etadi.    

Ilhom RAHMONOV tayyorladi