Belbog'li kurash dunyo bo'ylab quloch yozmoqda

Osiyo davlatlarida belbog'li kurash federaciyalari sonini ko'paytirish, azo davlatlarda belbog'li kurashni ommalashtirish borasida xalqaro hamkorlik ishlariga alohida etibor qaratilgan. 

Xususan, Osiyo belbog'li kurash konfedraciyasi prezidenti Mo'min Muratov, O'zbekiston belbog'li kurash federaciyasi raisi Ravshan Dastirov kecha Turkiyaning Istanbul shahrida joylashgan Dunyo etnosport ittifoqining bosh ofisiga tashrif buyurishib, sport bo'yicha xalqaro aloqalar direktori Tugba Karagulle bilan belbog'li kurashni rivojlantirish masalalariga doir davra suhbati o'tkazishdi. 

Quvonarlisi, uchrashuv doirasida belbog'li kurash sport turini mamlakatimizda va Osiyoda keng rivojlantirish, etnosport tarkibida qator turnirlar tashkil etish, Dunyo etnosport ittifoqi tomonidan ilk bor yo'lga qo'yilayotgan "multi o'yinlar" xalqaro musobaqasida belbog'li kurashni ham qo'shilishi borasida qator  kelishuvlarga erishildi.

Ilhom RAHMONOV tayyorladi