Belbog'li kurash. Farg'onada kattalar o'rtasida O'zbekiston chempionati o'tkazilmoqda

O'zbekiston Respublikasi jismoniy tarbiya va sport vazirligi hamda O'zbekiston belbog'li kurash federaciyasining yillik-taqvim rejasidagi mazkur chempionatda mamlakatimizning barcha hududlaridan 200 nafarga yaqin polvonlar ishtirok etishmoqda.

Ushbu musobaqada dastlab, ochilish marosimi tashkil etildi.

Tabrik uchun so'z olganlar yurtimizda keyingi yillarda jismoniy tarbiya va sportga, xususan, sportning aholi orasida ommaviyligini taminlashga qaratilayotgan ishlarga alohida etibor qaratilayotgani haqida takidlab, ishtirokchilarga musobaqalarda muvaffaqiyat qozonishida omad tilashdi.

SHu tariqa kattalar o'rtasidagi mazkur chempionatga start berildi.

Takidlash joiz, ushbu bellashuvlarda erkaklar belbog'li kurashning erkin va klassik yo'nalishlarida 8 ta vazn toifasida o'zaro kuch sinashishayotgan bo'lsa, ayollar erkin yo'nalishda 7 ta vaznda g'oliblik uchun kurash olib borishmoqda.  

Ilhom RAHMONOV tayyorladi