Belbog'li kurash. Jahon kubogida polvonlarimiz 18 ta medal qo'lga kiritishdi

Kattalar o'rtasida o'tkazilgan ushbu jahon chempionatida 30 dan ortiq  davlatdan 250 nafarga yaqin polvonlar g'oliblik uchun kurash olib borishdi. Quvonarlisi, belbog'li kurash bo'yicha 22 nafar terma jamoamiz azolari (bosh murabbiy Mironshoh Ro'ziev) ham mazkur jahon kubogida munosib ishtirok etishib, belbog'li kurashning erkin va klassik yo'nalishlarida bittadan oltin va kumush, shuningdek 16 ta bronza medallarini qo'lga kiritishdi va umumjamoa hisobida faxrli uchinchi o'rinni band etishdi.   

Aynan ushbu g'olib sportchilarimiz qo'lga kiritgan medallar bois, madhiyamiz jahon arenasida  baralla yangradi, Vatanimiz bayrog'i eng baland ko'tarildi.

Jahon kubogi bellashuvlarida ishtirok etib, g'olib va sovrindor sportchilari bilan tanishamiz:

Erkin yo'nalish

Oltin medal

- 100 kg. Obidali Mavlonov

Kumush medal

- 68 kg. Fayzulla Munisjonov 

Bronza medal

- 62 kg. Bekpulat Bokirov 

- 68 kg. Zokirjon Kosheterov

- 75 kg. Javhar Abdullaev

- 82 kg. Muhammadsalim Abdurahmonov

- 90 kg. Iskandar Ismoilov  

- 66 kg. Zemfira Azatova

- 66 kg. Umidaxon Ismoilova

Klassik yo'nalish

Bronza medal 

- 62 kg. Oybek Hamidov 

- 68 kg. Abdulbobir Tojimirzaev

- 75 kg. Beket Kaljanbaev 

- 82 kg. SHavkatjon Umarov

- 90 kg. Oybek Karimov

- 100 kg. Abdulqosim Tojiboev

+ 100 kg. Dadajon Ergashev

- 58 kg. Saida Egamnazarova

- 52 kg. Mashrabxon Anorova

Mironshoh RO'ZIEV,Farg'ona viloyat belbog'li kurash federaciyasi bosh kotibi, Ufada o'tgan jahon kubogida terma jamoa bosh murabbiyi:  -Joriy yilda O'zbekiston belbog'li kurash federaciyasi tomonidan amalga oshirilishi kerak bo'lgan ishlar, rejalar alo darajada bajarildi, deb o'ylayman. Boisi, yakuniga etayotgan ushbu yilda barcha xalqaro musobaqalarda polvonlarimiz faqat kuchli uchlikdan joy olishga muvaffaq bo'lib, medallar shodasiga ega chiqishdi. Kecha yakuniga etgan jahon kubogida ham jami 18 ta medallar bilan kuchli uchlikdan joy olishga erishdik. Buning uchun polvonlarimizni, ularning joylardagi murabbiylari, ota-onalari va yaqinlarini tabriklayman. SHu o'rinda takidlab o'tishim kerak, mazkur jahon kubogida yagona oltin medalga  Farg'ona viloyatining Buvayda tumanida tug'ilgan Obidali polvon Mavlonov ega chiqdi. Obidali polvonning Jahon chempionati va kubogi musobaqalarida qo'lga kiritgan   oltin medallari soni to'rttaga etdi. 2014-2016 yillari uch marta jahon chempionligiga erishgan. Bundan tashqari Yopiq inshootlarida Osiyo o'yinlarida ikkita oltin medalga sazovor bo'lgan. 2018-2020 yillar oralig'ida ham yirik xalqaro turnirlarda bir necha bor g'alaba qozongan. Terma jamoamiz faxriga aylangan sportchimiz hozirda Buvayda tumanidagi bolalar-o'smirlar sport maktabida yoshlarga belbog'li kurashdan saboq berib keladi. Demak, to'rt karra jahon chempionligiga erishgan Obidali Mavlonovni ham barcha polvonlarimiz nomidan qutlab qolamiz.      

Ilhom RAHMONOV tayyorladi