Belbog'li kurash. Olmaliqda O'zbekiston chempionati o'tkazilmoqda

O'zbekiston Respublikasi jismoniy tarbiya va sport vazirligi hamda O'zbekiston belbog'li kurash federaciyasining yillik-taqvim rejasidagi mazkur chempionatda Qoraqalpog'iston Respublikasi, Toshkent shahri va barcha viloyatlardan  200 nafardan ortiq yosh polvonlar ishtirok etishmoqda. 

Ushbu musobaqada dastlab, ochilish marosimi tashkil etildi. Tabrik uchun so'z olgan O'zbekiston belbog'li kurash federaciyasi raisi Ravshan Dastirov va  Olmaliq shahar hokimi Qobil Hamdamov  sportchilarni qutlar ekan, yurtimizda sport sohasida amalga oshirilayotgan islohotlar xususida takidlab o'tishdi va musobaqa ishtirokchilariga  kuchlilar qatoridan joy olishlarida muvaffaqiyat tiladi. 

SHundan so'ng o'smirlar o'rtasidagi mazkur chempionatga start berildi. Takidlash joiz, ushbu bellashuvlarda o'g'il bolalar belbog'li kurashning erkin va klassik yo'nalishlarida 11 ta vazn toifasida o'zaro kuch sinashishayotgan bo'lishsa, qizlar erkin yo'nalishda 7 ta vaznda g'oliblik uchun kurash olib borishmoqda.   

Ilhom RAHMONOV tayyorladi