Belbog'li kurash. Polvonlarimiz Jahon Kubogida kuchli uchlikdan joy olishdi

Quvonarlisi, mazkur jahon kubogi bellashuvlarida mamlakatimiz belbog'li kurashchilaridan iborat terma jamoa ham ishtirok etib, ijobiy natijalarni qayd etdi. 

O'ttizga yaqin davlatdan sara sportchilar ishtirokidagi musobaqaning birinchi kunida terma jamoamiz bosh murabbiyi SHavkat Mirzaqulov hamda yordamchi murabbiy Sergey Txaklar qo'l ostidagi polvonlarimizdan Sarvar Ikromov 100 kg. vazn toifasida oltin medalni qo'lga kiritdi. Ikkinchi kungi jamoaviy bellashuvlarda vakillarimiz matonat ko'rsatib, kuchli uchlikka kirishga muvaffaq bo'ldi va bronza medallariga egalik qilishdi. 

Musobaqa doirasida tantanali taqdirlash marosimi tashkil etildi. Unda sport delegaciyamizga rahbarlik qilgan O'zbekiston belbog'li kurash federaciyasi raisi Ravshan Dastirov hamda xalqaro toifadagi hakam Elmurod Abdullaev Boshqirdiston Respublikasi sport vaziri Ruslan Xabibov tomonidan belbog'li kurashni rivojlantirishga qo'shayotgan hissasi uchun tashakkurnoma bilan taqdirlandi. 

SHuningdek, ushbu  jahon kubogi musobaqasida bosh hakamlik vazifasini bajargan hamyurtimiz Elmurod Abdullaevga yil davomida belbog'li kurash bo'yicha o'tkazilgan jahon chempionati, xalqaro turnirlar va kubok bellashuvlarida odilona hakamlik qilgani uchun "Yilning eng yaxshi xalqaro toifadagi hakami-2025" ("The Best Referee-2025") nominaciyasi g'olibligi ham nasib etdi. 

Bundan tashqari, sportchimiz Bekzod Abdurahmonov "Yuqori texnika sohibi" nominaciyasiga loyiq ko'rildi. 

Ilhom RAHMONOV tayyorladi