17 okt 10:31
Yangiliklar

Kurash

Belbog'li kurashchilarimiz jahon chempionatida 30 ta medal bilan birinchi bo'lishdi

13-15 oktyabr kunlari Tojikiston Respublikasining Xo'jand shahrida belbog'li kurash bo'yicha 2003-2004 yillarda tug'ilgan yoshlar o'rtasida jahon chempionati bo'lib o'tdi.

Quvonarlisi, mazkur dunyo birinchiligida Baxtiyor Turg'unpo'latov murabbiyiligida to'liq tarkib bilan ishtirok etgan terma jamoamiz 21 ta davlatdan kelgan 300 nafarga yaqin sportchilar orasida 12 ta oltin, 3 ta kumush, 15 ta bronza medali bilan umumjamoa hisobida faxrli birinchi o'rinni egallashdi.

Jahon chempionlarimiz bilan tanishing:

Belbog'li kurash yo'nalishi: 57 kg. Jamoliddin Nematullaev (Namangan), 62 kg. Asadbek Mamataliev (Namangan), 68 kg. Ilyosbek Yoqubjonov (Andijon), 75 kg. Kamronbek Nomozboev (Toshkent v.), 82 kg. Bekzodbek Kamoliddinov (Andijon), 100 kg. Oybekjon Muhammadov (Farg'ona).

Erkin yo'nalish: 57 kg. Asomiddin Zokirjonov (Namangan), 68 kg. Fayozbek Abdug'afforov (Farg'ona), 75 kg. Dostonbek Obidjonov (Namangan), 82 kg. Jahongir Nizomiddinov (Namangan), 58 kg. Dildoraxon Isroiljonova (Namangan), +76 kg. SHirinoy Yo'ldosheva (Namangan).

Mazkur jahon chempionatida jahon belbog'li kurash associaciyasi prezidenti Azizbek G'aniev, Osiyo belbog'li kurash konfedraciyasi prezidenti Mo'min Muratov hamda O'zbekiston belbog'li kurash federaciyasi raisi Ravshan Dastirovlar ham ishtirok etishdi.