Belbog'li kurashni yanada rivojlantirish yo'lida memorandum imzolandi

Milliy sport turimiz bo'lgan belbog'li kurash nufuzini yanada ko'tarish, 2025 yilda Toshkent shahrida o'tkaziladigan yoshlar Osiyo o'yinlarida belbog'li kurash bo'yicha terma jamoani munosib ishtirok etishini taminlash, qolaversa, jahon arenalarida yosh sportchilarimizning yuqori natijalarga erishishi va o'zaro hamkorlik aloqalarini rivojlantirish maqsadida O'zbekiston belbog'li kurash federaciyasi Respublika olimpiya va paralimpiya sport turlariga tayyorlash markazi bilan Memorandum imzolandi. 

Ikki tomonlama o'zaro manfaatli hamkorlik memorandumini Respublika olimpiya va paralimpiya sport turlariga tayyorlash markazi direktori Abror Mamadaliev hamda  O'zbekiston belbog'li kurash federaciyasi raisi Ravshan Dastirov imzolashdi.

Mazkur hamkorlik memorandum uchrashuvida O'zbekiston belbog'li kurash federaciyasi bosh kotibi Abduxalil Malikov, ROPSTTM belbog'li kurash bo'yicha bosh murabbiyi Usmon Mahamatov, O'zbekiston belbog'li kurash federaciyasi hakamlar hayati raisi Toshkentboy Yaxshiboevlar ham ishtirok etishdi. 

Uchrashuv doirasida markaz direktori Abror Mamadaliev federaciya vakillarini  markazda tashkil etilgan muzey eksponatlar bilan tanishtirdi. SHuningdek, federaciya rahbariyati markazda bunyod etilgan va barcha shart-sharoitlar muhayyo etilgan ayrim sport zallarini ham ko'zdan kechirishdi.

Ilhom RAHMONOV tayyorladi