Bellator bosslari Nurmagomedovning galdagi raqibini oshkor etishdi

Bellator 269 turniri doirasida rossiyalik MMA jangchisi Usman Nurmagomedov ham oktagonga ko'tariladi. Usmanning raqibi finlyandiyalik Patrik Pietila bo'ladi. Bu malumotni Bellator matbuot xizmati ham tasdiqladi.

Patrik Pietila Bellator promoushenida bittagina jang o'tkazgan. 2019 yilning sentyabr oyida bo'lib o'tgan o'sha jangda u Rayan Roudiga ochkolar hisobiga ko'ra imkoniyatni boy bergan edi.  

Usman Nurmagomedov esa shu yilning o'zida Bellator qafasida ikkita jang o'tkazishga muvaffaq bo'ldi. U Mayk Xemilni ochkolar bo'yicha, Menni Muroni esa texnik nokaut evaziga mag'lubiyatga uchratgandi.

SHuningdek, promoushen tomonidan rossiyaliklar Grachik Bozinyan, Irina Alekseeva, Aleksey SHurkevich va Nikita Mixaylovning janglari ham rasman tasdiqlandi. Oqshomning markaziy jangi Fyodor Emelyanenko va Timoti Jonson o'rtasida bo'lib o'tadi. 

Bellator 269 turniri kardi:

Fyodor Emelyanenko – Timoti Jonson

Vitaliy Minakov – Said Souma

Andrey Koreshkov – Rustam Xabilov

Usman Nurmagomedov – Patrik Pietila

Grachik Bozinyan – Ross Xyuston

Irina Alekseeva – Stefani Yelo Peyj

Aleksey SHurkevich – Kristian Ekerlin

Nikita Mixaylov – Brayan Mur