Benavides Ramiresni to'xtatdi va Kaneloga "vyzov" tashladi

Oqshomning asosiy jangi birinchi og'ir vazn toifasida o'tkazildi, unda Xilberto Ramires va Devid Benavides o'zaro to'qnash keldi. Devid Benavides birinchi og'ir vazn toifasidagi debyutini muvaffaqiyatli yakunladi. Buning uchun unga olti raund kerak bo'ldi.

Amerikalik o'zining sobiq sparring sherigi Xilberto Ramiresga boksdan saboq berib qo'ydi. Bu bilan u meksikalik bokschidan ushbu vazn toifasidagi WBA va WBO chempionlik kamarlarini tortib oldi. O'ng ko'zi deyarli to'liq yopilib qolgan Ramires oltinchi raund tugashiga bir soniya qolganida taslim bo'ldi. Bu meksikalik uchun 16 yillik professional faoliyatidagi birinchi nokaut bo'ldi.

29 yoshli Devid Benavides uchinchi vazn toifasida chempion bo'ldi va hali ham yarim og'ir vazn toifasida WBC chempionlik kamariga ega. U bu vaznda The Ring, IBF, WBA va WBO chempionlik unvonlariga ega bo'lgan rossiyalik Dmitriy Bivol bilan jang qilish uchun qaytmoqchi.

SHuningdek, amerikalik o'sha oqshom zalda bo'lgan Saul "Kanelo" Alvares bilan ringni bo'lishga tayyorligini bildirdi.

"Men shunchaki muxlislarga ular ko'rishni xohlagan narsani bermoqchiman. Kaneloni zalda ko'rdim. Muxlislardan so'rashga ijozat bering: Kaneloning Devid Benavidesga qarshi jangini ko'rishni xohlaysizmi? Biz bu jangni amalga oshmay qoldira olmaymiz. Men Kaneloni hurmat qilaman, u buyuk chempion, lekin men ham buyukman. Keling, buni amalga oshiramiz! Men hali ham yarim og'ir vaznda chempionman. SHunday ekan, agar ular bu kamar uchun kelishni istasalar, keling, buni yarim og'ir vazn toifasida o'tkazaylik!", - dedi Benavides jangdan keyingi intervyusida.