“Besh tashabbus olimpiadasi” doirasida mahalla yoshlari endi kurash bo'yicha ham bellashadi

Dastlab o'quv-seminar ishtirokchilari uchun “Kurash istiqbollari” hujjatli filmi namoyish etildi. SHundan so'ng tadbirni Sportni rivojlantirish vazirining o'rinbosari Abdulla Aslonov kirish so'zi bilan ochib berdi.

“Besh tashabbus olimpiadasi”ning ikkinchi mavsumidan boshlab ommaviy sport musobaqalari dasturiga milliy qadriyatimiz bo'lmish kurash musobaqalari ham kiritildi. Ayni vaqtda musobaqalarga tayyorgarlik ishlari olib borilmoqda”, - dedi A.Aslonov o'z so'zida.

Tadbir doirasida O'zbekiston kurash federaciyasi raisining birinchi o'rinbosari Komiljon Yusupov kurashning tarixi va istiqbollari haqida maruza qildi.

Sportni rivojlantirish vazirligi boshqarma boshlig'i SHarif Mo'minjonov esa “Besh tashabbus olimpiadasi” doirasida kurash bo'yicha “Bosh Prokuror kubogi” musobaqalarining o'tkazilish tartibi to'g'risida tushuntirish berdi.

Eslatib o'tamiz, “Besh tashabbus olimpiadasi”ning ikkinchi mavsumi doirasidagi tanlov va musobaqalarga arizalarni qabul qilish joriy yilning 10 avgustidan 9 sentyabriga qadar davom etishi rejalashtirilgan. 10 sentyabrdan esa musobaqa va tanlovlarga start beriladi.

Alimurod MAMADAMINOV, o'z muxbirimiz