Bivol Usik bilan jang qilishi mumkinligini aytdi

Yarimog'ir vazn toifasida WBA kamari sohibi Dmitriy Bivol og'ir vaznda WBA, WBO va IBF yo'nalishlari chempioni Aleksandr Usik bilan jang qilishi mumkinligini aytdi.

"Bilasizmi, og'ir va yarimog'ir vazn o'rtasida birinchi og'ir vazn toifasi mavjud. Bu katta "sakrash" bo'ladi. Usik birinchi og'ir vazn toifasiga o'tishi mumkinmi? Ehtimol, biz jang qilarmiz. Bilmadim, balki men vazn to'plab, o'zimni yaxshi his qilarman. Nega bunday bo'masligi kerak?", - dedi Bivol.

Dmitriy Bivol 5 noyabr kuni Xilberto Ramires bilan bo'lgan jangda g'alaba qozonib, chempionlik kamarini muvaffaqiyatli himoya qilgan edi.