“Biz sportni tanlaymiz!”

Viloyat jismoniy tarbiya va sport boshqarmasi tomonidan tashkil etilgan tadbirda davlat va jamoat tashkilotlari vakillari, jahon chempionlari, murabbiylar, sportchi-yoshlar ishtirok etdi.

Mamlakat va xalqaro miqyosdagi musobaqalarda muvaffaqiyatli ishtirok etib kelayotgan mazkur sport maktabi tarbiyalanuvchilari joriy yilda ham yuqori natijalarga erishmoqda. Xususan, mart oyida erkin kurash bo'yicha O'zbekiston chempionatida maktab o'quvchisi Madina Usmonjonova g'olib bo'lib, Singapurda o'tkaziladigan Osiyo chempionatida ishtirok etish uchun licenziyani qo'lga kiritdi. 

Aprel oyida poytaxtda bo'lib o'tgan o'zbek jang sanati bo'yicha Osiyo ochiq chempionatida esa ushbu maktab yoshlari 3 ta oltin, 4 ta kumush va 5 ta bronza medalini qo'lga kiritdi. Umuman, maktab sportchilari joriy yilning birinchi choragida 12 ta oltin, 28 ta kumush, 42 ta bronza, jami 82 medalga sazovor bo'ldi.

Sport bayramida nufuzli musobaqalar g'olib va sovrindorlarini taqdirlash marosimi ham bo'lib o'tdi.

Tadbir doirasida sport maktabida yo'lga qo'yilgan 18 sport turi bo'yicha tarbiyalanuvchilarning ko'rgazmali chiqishlari namoyish qilindi.